吳業坤約滿TMG未獲唱片公司招手 預告自資出歌兼準備新劇留長髮減肥
歌手吳業坤日前（5日）出席好友周奕瑋主持嘅旅遊節目《周遊人生》試映會，佢透露已正式同TMG約滿，早前喺電台頒獎禮最後一次以TMG歌手身份亮相，為合作畫上句號。對於未來音樂路向，坤哥話傾向「自資」經營：「自己喺唱片業咁多年，都想試吓自己做投資，或者所有嘢。簽新公司嘅可能性係有，但當刻好想全權擁有一首屬於自己嘅歌。」問到有冇唱片公司招手，佢笑言：「好可惜冇，所以我咪自己努力，預咗㗎啦。」
雖然唱片約滿，但坤哥同TVB嘅藝員約及邵氏兄弟經理人約依然持續。佢透露正準備新劇，為角色留長頭髮，仲努力減緊肥，唔係特登玩嘢。TVB
