中年好聲音4｜「人生之歌」上半場賽制及歌單曝光 18強命運之路二選一.《中年好聲音4》本周日（10日）晚8點翡翠台播映「人生之歌」上半場，18強選手要喺「進取之路」同「平實之路」二選一。揀「進取之路」嘅選手，只要取得89分以上就可以直接晉級，唔使同其他選手爭，雖然高風險，但回報亦高。至於揀「平實之路」嘅選手就要進行排位戰，分數排名最高嘅4位可以直接晉級，風險較低，但要同其他選手公平決鬥，而評審們事前係唔知選手揀咩路線。上下半場結束之後，評審會喺待定區嘅選手入面揀淘汰兩人。
今集出戰歌單：
許美琪《追憶》（原唱林子祥）可嵐《小天使》（原唱容祖兒）莫家淦《今生今世》（原唱張國榮）陳旭培《笑忘書》（原唱張敬軒）范子睿《只怕不夠時間看你白頭》（原唱林二汶）鄭仲豪《不見不散》（原唱Beyond）馬浩宜《你不是第一個離開的人》（原唱鄧紫棋）鄭家聲《最冷一天》（原唱張國榮）尹景順《阿嬤的話》（原唱蕭煌奇）TVB
