MIRROR內地社交平台时隔7年首更新 疑為北上試水溫 .MIRROR嘅內地社交平台帳戶自2019年起停更，日前時隔七年罕有地更新，上載宣傳四子喺澳門演出娛樂盛典嘅影片，被外界解讀為開拓內地市場做準備。加埋姜濤前日出席活動時受訪，透露之後會有一項反應兩極嘅音樂計劃，令唔少粉絲聯想到加盟內地節目嘅可能性，傳聞可信性隨即上升。
不過，由於好多粉絲鍾意姜濤紮根香港嘅市場定位同形象，對於北上發展嘅消息出現強烈負面反應，紛紛斥責MKV：「間公司有咩做唔出」、「公司每次都推佢出嚟做先頭部隊，搞到佢次次被人圍插」、「上內地節目真係接受唔到」，喺網上引發熱議。
