陳凱琳《浪姐7》排第27 惹淘汰憂慮.藝人陳凱琳參加內地真人騷《乘風2026》（《浪姐7》），日前第一次公演官方排名出爐，佢僅排第27位，令唔少網民擔心佢好快會被淘汰。
雖然排名靠後，但陳凱琳依然搏到盡，尋日（17號）仲專程返港，喺中環街頭化身咖啡妹，親手沖咖啡派俾市民，獲途人打氣加油。
另一邊廂，台灣藝人曾沛慈賽前係大熱門，一公舞台《一半一半》嘅個人熱度值（61.1萬）同表演熱度值（22.2萬）都係斷層第一，點知官方排名只得第五。反而被指唱音走音嘅李小冉爆冷奪冠，引來網民熱議，質疑排名造馬。
陳凱琳排第27，加上同組已有兩位姐姐被淘汰，外界普遍睇淡佢嘅晉級前景。不過佢仍兩邊奔波兼顧排練同吸金，敬業精神值得讚賞。
乘风2026乘风时刻 陈凯琳
