【On.cc】鍾柔美A0形象不保 晒泳照被洗版狂鬧：大話精「聲夢小花」鍾柔美（Yumi）近期因緋聞而成為新聞人物，先後爆出同劉展霆（Eden）、女造型師、疑似初戀男友及昔日男友啜嘴密照，A0形象一朝喪，網友都唔再Buy佢sell嘅玉女人設，更變到人見人鬧。尋日（31日）踏入2026年last minute，鍾柔美晒出佢2025年靚相回顧，當中自然未見佢同多位好友玩truth or dare嘅錫面相，不過就晒出唔少靚靚自拍及泳照，順勢紀錄佢去年嘅生活及工作，令人眼前一亮。可惜依家形象插水嘅佢，真係多做多錯，此post一出，即時有多位網友留言大鬧：「同條仔錫住倒數？」、「玩住true and dare 倒數？」、「大話精 敢做唔敢認」、「真係好厚面皮 完全冇晒發生咁」遭負評洗版式狂鬧，民心大跌。鍾柔美晒2025年回顧片。好多都係工作片段。仲有鍾柔美靚靚selfie。不過網友就唔多Buy。鍾柔美被搬出錫面事件。有人鬧佢大話精、厚面皮。今次佢晒幾多索相都救唔番。泳照都出埋。
