【On.cc】戴祖儀預告台慶戰衣上下有睇頭 譚嘉儀失戀歌贈陳庭欣藝人戴祖儀、譚嘉儀、沈宗賢、劉可、陳芊芸（前名陳蒨葶）等昨晚（31日）在青衣出席除夕倒數活動。戴祖儀獨自由晚上七點一直主持活動到倒數，5小時相當忙碌，對司儀經驗不算多的她絕對是個考驗，慶幸最終順利過關。自嘲完成任務後「血量」跌到負數，但經驗值卻有所提升的她說：「之前都係拍劇、唱歌多，所以今次做司儀都已經盡咗力，第一次自己一個人做除夕司儀，期間都發生咗好多事，真係好佩服麥美恩、許文軒，佢哋所有司儀都真係好叻。」祖儀笑言完成今次司儀任務後，覺得覺已經大大步飛躍，問到可有信心在台慶頒獎禮中奪得「飛躍進步女藝員」獎項﹖她笑說：「經過今晚信心大增，冇嘢難到我，心目中已經頒咗呢個獎畀自己，有冇都無憾，有幾何可以體驗咁多唔同狀況，覺得自己成功咗。」她又透露已經準備好「戰衣」出席頒獎禮，預告上下皆有睇頭。講到台上祖儀笑指要在倒數期間吃12粒提子增強姻緣，祈求新一年脫單，她則笑說：「已經過咗，又錯過咗喇，惟有等下年囉。今年嘅願望開心就好，單身都好開心，有另一半就梗係最好啦，但係冇都唔強求，寧缺勿濫，等到搵到適合嘅人先發展。」戴祖儀主持活動足足5小時，佢都讚自己叻。戴祖儀已經準備好上下都有睇頭嘅「戰衣」出席頒獎禮。譚嘉儀受訪則總結2025年工作量不俗，經常飛來飛去，曾到加拿大、美國等地開騷，聖誕到紐約開騷後更有機會過白色聖誕，期間更到戶外溜冰場溜冰，玩得相當開心。笑問可有扮跌倒搏艷遇？她笑說：「冇呀，唔想跌低，撻低好痛。」嘉儀透露現在感情生活仍然空白笑謂等到「頸都長」，新一年工作上會繼續舉行巡唱，下一站2月會在澳門開騷並期望再到內地演出，又透露離開無綫後將會推出第一首新歌，歌曲雖然關於失戀，但所講的是就算分開了仍然會衷心祝福對方。講到新歌正好送給近期宣布8年情斷的好友陳庭欣，她說：「可以嘅，都有問候佢，知道佢哋係和平分手，有約佢打pickleball。」講到陳庭欣回復單身重投「市場」，可擔心多了一個對手？嘉儀則笑說：「係會多咗對手打波啫，哈哈。」譚嘉儀大嗌單身！譚嘉儀出失戀新歌，啱啱好可以送畀陳庭欣。祝大家齊齊脫單！
