曼聯自從2015/16 球季之後，第一次聯賽雙殺利物浦！紅魔鬼換咗領隊之後嘅用人、調兵遣將嘅分別，係呢場清晰可見。
呢個禮拜續約加人工嘅明奴（Kobbie Mainoo） 奠定勝局；喺阿莫廉被辭退之後，薛斯高取得第9個聯賽入波。賽後，曼聯就確定獲得來季參加歐聯嘅資格。
索保斯拿爾有一個入波、一個助攻 ，係整晚利物浦發揮最好，最投入嘅一位。
列斯聯輕取般尼主場全取三分，聯賽積分達到43分，排名升上第14位，拋離降班區域嘅韋斯咸7分，護級形勢大好。另外提一句，喺英超史上從未有43分球隊需要降班。
基約卡利斯、沙加同托沙（Leandro Trossard）嘅進攻三叉戟令富咸半場就三度失守，今仗阿仙奴贏得相當漂亮，部份主力球員喺下半場被換出得以為週中應付馬德里體育會嘅次回合歐聯賽事保留體能。出任左閘嘅卡拿費奧利跑動相當積極，有唔少前插到對方禁區嘅鏡頭，更加有一粒入波但越位在先被判詐糊。相反右閘嘅賓韋迪體能問題就需要留意，有幾下跑動出腳都略顯遲緩。
賽後阿仙奴重新獲得6分領先優勢，淨勝球就多曼城4粒，但係踢多兩場…
英超第35週賽事賽果-列斯聯3-1 般尼賓福特3-0 韋斯咸紐卡素3-1 白禮頓狼隊1-1 辛德蘭阿仙奴3-0 富咸般尼茅夫3-0 水晶宮曼聯3-2 利物浦阿士東維拉1-2 托定咸熱刺車路士🆚諾定咸森林（稍後時間進行）愛華頓🆚曼城
EPL阿仙奴曼聯 🏴
