【On.cc】佘詩曼鏡頭背後曝光 被周嘉洛爆係「爛玩女」
視后佘詩曼（阿佘）、周嘉洛、馬貫東及蔣祖曼今日（6日）現身中環終審法院外，為熱播劇《正義女神》拍攝番外篇，吸引大批市民駐足圍觀。據悉番外篇以3分鐘短劇形式，將於稍後時間播出。
阿佘透露今次番外篇早於《正》劇拍攝尾聲時已敲定拍攝，共拍攝3天，她説：「今天喺香港，之後兩日喺深圳拍，回憶返晒嚟！好難得拍完又會咁快見番同一班咁開心嘅合作夥伴。」提到今次番外篇跟銀行合作，證明阿佘吸金力強，再次憑角色為公司賺錢，她謙稱是整個劇組功勞，提到角色配戴眼鏡，會否有眼鏡廣告商找她拍廣告？身旁同樣為角色戴眼鏡的周嘉洛即大表贊成，更大讚阿佘戴眼鏡好看，問他是否想跟阿佘拍廣告？他笑言「諗吓都開心！」阿佘即大讚嘉洛架上眼鏡感覺成熟了不少。
阿佘指對上一次踏足此地正是為《正》劇拍攝：「好多回憶，尤其是同煒哥（陳煒），通常喺度遇到跟住又頂嘴。」談到跟嘉洛首次合作，阿佘直言今次可讓對方洗脱過往搞笑形象，不過隨即又幽對方一默説：「今次佢相對正經同寡言，就唔係本色演出，純粹真係演技。」阿佘解釋這樣也不是壞事，好讓觀眾可以見到另一個嘉洛。提到嘉洛曾透露阿佘拍攝時很認真，但一停機即愛玩愛講笑，更形容她是「爛玩女」，阿佘笑言：「我覺得Work Hard，Play Hard，好多時做嘢壓力好大，做嘢時候好認真，玩嘅時候都可以好認真，可以釋放壓力，適當地玩。」問到大家戲外會否聚會？她坦言因大家各有工作在身，每次也很難才約齊人，提到稍後大家也聚在深圳可以晚飯，阿佘即表示明晚可聚餐，笑言叫嘉洛請客，嘉洛即表示：「梗係我請，今晚都係我請！」
談到阿佘有不少劇集大受歡迎，問到可有想過將它們改篇成短劇或舞台劇？她表示劇集版權屬於公司，要由公司和監製們決定，不過自己本身很有興趣挑戰舞台劇，只是一直還未遇到一個好劇本，她説：「因為我覺得舞台劇難在每日都要做同一樣嘢，一定要好鍾意個劇本先可以咁樣做，所以我一定要搵一個好正、好鍾意嘅先可以每日做同一樣嘢。」嘉洛亦表示對演舞台劇有興趣，又自爆讀書時曾演過舞台劇並獲獎：「三年班開始，嗰陣好曳，老師唔知道點樣如何抒發我啲精力，所以就請我參加，最後就喺嗰度搵到成功感。（獲獎？）係呀，不過嗰啲獎只要參加基本上都會有，但係最佳男演員嚟㗎！」他感恩有這個啟蒙老師，才成就到今天的自己。
馬貫東透露番外篇會以原先劇情再發展出其他情節：「我喺《正義女神》入面係一個比較保守無情嘅人，但我喺呢度比較跳脫，會識講笑。」蔣祖曼則表示今次會講述更多她跟弟弟（周嘉洛飾）的感情戲，透露對方會因一些事而呷醋，又指劇中跟馬貫東只有很少同場，今次番外篇終於有一場正式對手戲，又指一班同劇演員難得再次聚頭，晚上會相約一起吃飯聚聚。
問到天氣翳焗要穿上冬裝拍攝是否很辛苦？蔣祖曼感恩雖然天陰但沒有下雨和有點風，又指最重要保持冷靜：「夏天真係控制唔到，如果你一開始流汗就停唔到，所以唔可以畀自己有咁嘅感覺。」至於穿上西裝的馬貫東則表示要靠手提風扇降溫，裝風扇「攝」於外套內，更自爆帶了3把風扇傍身，以防電力用光，笑言夏天必備。問到會否希望將劇集改成舞台劇再次呈現給觀眾？馬貫東表示若劇組有此想他絕對有興趣，笑言會要求劇組改劇本，讓角色不用死，並透露中學時參加過話劇團，覺得舞台劇相對拍劇直接，自己很想挑戰。
佘詩曼現身拍攝。
周嘉洛嚟啦！
佘詩曼跟嘉洛首次合作。
周嘉洛透露佘詩曼拍攝時很認真，但一停機即愛玩愛講笑。
大送心心！
埋位啦！
馬貫東與蔣祖曼合照。
馬貫東透露番外篇會以原先劇情再發展出其他情節。
大批市民駐足圍觀。
嚟張大合照。
TVB
