意大利足總今日少有主動地希望營造更好嘅氣氛，喺每個座位上都擺放咗一條藍色嘅意大利國家隊頸巾。東拿利入波突破缺口好重要。佢係近一年半係意大利國家隊入波最多嘅中場球員（入4球），今場更加有入波同助攻，係最重要嘅一位。摩西堅恩連續5場佢上陣嘅國際賽都有波入，係自從1990年嘅史基拉斯之後，第一位交到呢個成績嘅意大利球員；廸馬高生波同死球嘅傳中都係好有威脅嘅進攻方式。以北愛爾蘭嘅人腳嚟講，佢哋展現出嚟嘅競爭力，算係相當唔錯，教練米高奧尼爾再次證明有一定功力，而佢目前同時執教緊英冠球會布力般流浪。
同組嘅威爾斯有丹尼爾詹士入波先，結果就喺85分鐘失守被迪施高追和。加時互無紀錄下，十二碼決勝有賓蘭莊遜（Brennan Johnson）同尼高威廉士射失，輸2-4（總比數3-5）慘遭淘汰。
同樣鬥到十二碼嘅還有D組嘅捷克對陣愛爾蘭，前者最終贏4-3（總比數6-5）晉級。而斯洛伐克整個系列賽就「虎頭蛇尾」，可以擊敗德國亦都可以輸俾北愛爾蘭，本場更加似一個縮影- 爆冷不敵科索沃被淘汰，緣盡附加賽。
準決賽過後，四個分組嘅決賽對壘隨之出爐-Group A意大利🇮🇹🆚🇧🇦波斯尼亞
Group B瑞典🇸🇪🆚🇵🇱波蘭
Group C土耳其🇹🇷🆚🇽🇰科索沃
Group D丹麥🇩🇰🆚🇨🇿捷克
*除咗意大利對陣波斯尼亞，瑞典對波蘭以及丹麥迎戰捷克都幾有意思，尤其係本場大眼帽子戲法嘅基約卡利斯同利雲杜斯基嘅「火星撞地球」！
2026世界盃QF歐洲區附加賽準決賽賽事賽果-Group A意大利🇮🇹2-0 🍀北愛爾蘭威爾斯🏴1-1（pen：2-4）🇧🇦波斯尼亞
Group B烏克蘭🇺🇦1-3🇸🇪瑞典波蘭🇵🇱2-1 🇦🇱阿爾巴尼亞
Group C土耳其🇹🇷1-0 🇷🇴羅馬尼亞斯洛伐克🇸🇰3-4 🇽🇰科索沃
Group D丹麥🇩🇰4-0 🇲🇰北馬其頓捷克🇨🇿2-2（pen：4-3） 🇮🇪愛爾蘭
FIFA World Cup qualification (UEFA)世界盃外圍賽歐洲區附加賽FIFA 🌍⚽️
