博洛尼亞連續11場歐洲賽不敗，係球會歷史上嘅新紀錄，亦都自從1998/99球季之後再度晉身歐洲賽八強。
羅馬表現都好頑強，落後兩球一度追和，不過後防的確唔應該失咁多波。馬倫加盟之後，上陣11場入8 球。
博洛尼亞嘅埋門質素高，路維同卡斯祖嘅入波都靚。貝拿迪斯基職業生涯第60場歐洲賽上陣，其中單計歐霸29場入13 球。
森林首回合主場輸0-1，不過週日（22號）英超要同熱刺踢護級生死戰情況下，今場仍決定留力，收起基比斯韋特、艾利洛安達臣、梅里路等9名正選。半力嘅森林仍然佔優，尼高拉斯杜明基斯同賴恩耶迪斯入波，令客隊一度總比數反超前。佢哋下半場中段陸續換入主力，點知69分鐘再失守，兩回合計再次打和，之後踢埋加時都冇波入。互射12碼階段，森林3名球員全部射入，相反，米迪蘭特嘅曹圭成同亞拿爾森斯亞（Aral Simsir）分別射中柱，最後捷路夫耶（Edward Chilufya）仲跣腳射咗個波上天，森林守門員唔使撲就喺12碼贏3-0。
歐霸盃八強全部誕生，另一英超球隊阿士東維拉，喺主場2-0擊敗利爾，兩回合合計贏3-0晉級，1/4決賽會對意甲嘅博洛尼亞。其餘兩場8強賽事，分別係布拉加對貝迪斯、費雷堡對切爾達。歐羅巴聯賽1/8決賽次回合賽事賽果-布拉加4-0（agg：4-2）費倫華路士費雷堡5-1（agg：5-2）亨克里昂0-2（agg：1-3）切爾達維哥米迪蘭特1-2（pen：0-3；agg：2-5）諾定咸森林波圖2-0（agg：4-1）史特加羅馬3-3（et：0-1；agg：4-5）博洛尼亞阿士東維拉2-0（agg：3-0）利爾皇家貝迪斯4-0（agg：4-1）彭拿典奈高斯
歐羅巴聯賽1/4決賽對陣形勢-布拉加🆚皇家貝迪斯費雷堡🆚切爾達維哥波圖🆚諾定咸森林博洛尼亞🆚阿士東維拉
UEFA Europa League歐羅巴聯賽1/8決賽 
