士砵亭成為21世紀第五隊喺歐聯首回合落後3球或以上，可以成功反勝嘅球隊。呢隻葡超球會自從1982/83 球季之後，再一次晉身歐聯/歐冠八強。兩隊都有一個星期嘅休息，令到比賽嘅節奏比較明快，速率較高。可能大家期望都調高咗，博杜基林特反而踢得唔夠放，唔夠決斷。士砵亭大舉壓上，控球嘅時候基本上形成五人進攻線。
廸連卡奧（Francisco Trincão）表現出色串連中前場，一對閘費斯尼達（Iván Fresneda）同麥斯美利安奴艾拿奧祖（Maximiliano Araujo），以及中場曉文（Morten Hjulmand）都有好大功勞，搏到盡，走動好多。
兩個回合都好有娛樂性同觀賞性，巴塞隆拿近17次歐聯十六強，有16次晉級，只有2021年被巴黎聖日耳門淘汰。而今季佢哋今季20場主場贏咗19場，利雲杜斯基喺歐聯面對41支球隊取得入波，打破美斯之前保持嘅40隊紀錄 ；拉芬拿兩個入波兩個助攻，仲搏到十二碼，表現最突出。
紐卡素有好多個人犯錯，泰奧（Malick Thiaw）錯誤最多，積及藍斯（Jacob Ramsey）都有嚴重傳送錯誤，捷比亞輸咗一個十二碼。 荷爾（Lewis Hall）有一下跣腳都幾致命，但總體兩個回合其實佢防守同進攻嘅貢獻都唔少，表現唔錯，夏菲班尼斯係另一個比較穩定嘅球員；東拿利大腿受傷被換走。下半場中段，紐卡素冇控球權時改踢 541 ，更專注喺防守嘅任務上。
歐聯1/8決賽次回合賽事賽果-士砵亭3-0（et：2-0；agg：5-3）博杜基林特車路士0-3（agg：2-8）巴黎聖日門阿仙奴2-0（agg：3-1）利華古遜曼城1-2（agg：1-5）皇家馬德里巴塞隆拿7-2（agg：8-3）紐卡素拜仁慕尼黑4-1（agg：10-2）亞特蘭大托定咸熱刺3-2（agg：5-7）馬德里體育會利物浦4-0（agg：4-1）加拉塔沙雷
歐聯1/4決賽對陣形勢-巴黎聖日門🆚利物浦皇家馬德里🆚拜仁慕尼黑巴塞隆拿🆚馬德里體育會士砵亭🆚阿仙奴
UCL歐洲聯賽冠軍盃1/8決賽次回合
