臥底嬌娃｜馬貫東獨家爆為除衫戲激減20磅 親揭拍動作戲打到中暑：我本身係肥底.《臥底嬌娃》將於本月23日正式播出，今次馬貫東乃是繼《死有對証》後第二套擔正做男主角，更為三位臥底嬌娃張曦雯、陳瀅和羅毓儀身後的Big Boss，齊齊搗破龐大販毒集團。
馬貫東飾演的潘奕風為警方臥底，劇中他除了有多場的動作戲外，更預告有一場除衫戲，因此他特意激減20磅，體脂更由28減到16，務求令觀眾看到其弗爆身形！
馬貫東接受tvb.com獨家訪問直言本身是「肥底」，故要減磅甚有難度，「當時收到編審通知有一場除衫戲，所以即刻計劃一個增肌減肥嘅program，喺兩個月入面戒油鹽糖，每日都會喺收工後或開工前去做gym，加上我係肥底，如果唔日日操，好容易就會反彈。」
他除了勤力做運動外，更準備健康飲食的餐單，「我平時都係自己帶飯，如果自己準備唔切就會叫公司劇務幫我安排一個健康餐，即係烚雞胸、烚菜同兩隻烚蛋。」
他指最終用了兩個月時間體脂由28減至16，「其實個目標係想將體脂減到去12喺電視睇會好啲，但始終時間有限，所以已經盡咗力。」
至於身為「臥底」的他也相當打得，馬貫東大爆曾有一場動作戲打到中暑，「嗰場戲打足全日，嗰日天氣又好熱，加上前一晚收到比較晏，高溫加體力不計，所以就中暑，好彩抖咗一陣之就冇咩事。」
談到今次他演潘奕風一角，他坦言角色相當立體，「最大挑戰係佢城府好深，有好多秘密嘅人，喺變節之間個界線好模糊，要諗下點樣令到觀眾思考，究竟佢係咪一個好警察。」
TVB
