【On.cc】張智霖一日假照返港倒數 陳貝兒央視錄到凌晨3點藝人張智霖（Chilam）元旦日忙於工作，除為無綫重頭劇《璀璨之城》趕工外，晚上更夥拍陳小春、鄭希怡、劉惜君及陳貝兒等30多組藝人，齊齊亮相央視的《揚帆遠航大灣區－2026新年音樂會》，幸而除夕當天他意外獲得一天假期，他趕返香港與太太袁詠儀倒數，兩人更合照放閃，熱翻全網。一向寵粉的Chilam忙不迭於網上向歌迷「拜年」，許願大家今年身體健康及萬事順逐。談到《璀》劇的拍攝，他透露異常順利，間中亦會與拍檔們食飯團建，台前幕後感情相當要好。張智霖趁一天假期，即返港陪袁詠儀倒數。第二日就見到佢個央視元旦騷。陳小春都有演出。張智霖同時為《璀璨之城》趕工。幾忙，朋友都係要見嘅。由於央視新年節目採取預先錄影制，Chilam與小春的演出片段已於網上瘋傳，只見兩人「黑白配」Chok爆展開一場棋藝博奕，造型帥氣吸睛。而身為節目主持的陳貝兒即透露﹕「我係第4年參與喇，每次都覺得係好大嘅考驗，因為要以普通話作全國播放，加上央視製作一向嚴謹，感覺好似考試咁，好多謝得到佢哋嘅信心。錄影嗰日好凍，因為大會喺珠海海邊搭咗個舞台，大家錄影至凌晨3點幾，節目內回顧咗2025年嘅香港，尤其關心大埔災情，大家齊齊為香港送上祝福。」陳貝兒第4年參與央視元旦騷。佢話喺珠海海邊舞台錄至凌晨3點幾。出嚟效果好好睇！
