羅子溢貪心攞晒視帝同男配 爆樂易玲開腔「點解唔得」.無綫《萬千星輝頒獎典禮2025》將於明年1月4日舉行，大會今日（15日）舉行記者會公布各大獎項10強名單。視帝方面，大熱《刑偵12》林保怡、《新聞女王2》黃宗澤及《金式森林》郭晉安及羅子溢都輕鬆入圍，準視后則包括《新聞女王2》佘詩曼、《巨塔之后》宣萱、《俠醫》張曦雯、《金式森林》陳曉華及《刑偵12》傅嘉莉等等，反而已離巢的《麻雀樂團》女主角李佳芯則宣告十強止步，令粉絲大感可惜！十強名單產生後，所有票數都會洗牌歸零重新再計，難怪出席記者會的羅子溢、陳曉華、傅嘉莉及張曦雯不約而同都表示要努力拉票，羅子溢更搞笑說：「我太太近日去咗做林峯演唱會做嘉賓，唔記得提佢叫林峯幫我公開拉票，佢講一句好過我講十句，真係蝕喇。」羅子溢孖住張曦雯受訪，被記者問到其他準視帝統統缺席「讓賽」，他即謙稱：「其實係因為我選情告急，要珍惜每一個機會拉票，一票都不能少！我知道自己未必係大家嘅首選，每人手頭上都有三票，希望念在我拍咗咁多年劇，最尾嗰票都畀我啦，畀啲鼓勵我。（你入圍視帝之餘，仲憑《執法者們》入圍男配角喎。）我兩個都想要，頭先樂小姐話我叫兩飛，我問佢可唔可以兩個都得，佢話點解唔得呀？」對於外界睇好他穩奪本屆視帝，羅子溢坦言《俠醫》收視高企、《新聞女王2》聲勢浩大，故陳豪、黃宗澤及《刑偵12》好戲之人林保怡其實機會很高。至於今年頒獎禮已刪除馬來西亞獎項部分，卻加插大灣區幾個重要獎項，換句話說去年的馬來西亞視后張曦雯則成「歷史見證」，她笑答：「我冇得冧莊喇，得獎後都未有機會去見嗰邊嘅粉絲，希望今年能夠衝擊吓視后寶座。（對手好強？）係呀，所以今日點可以唔出席呢？我覺得自己基本上都麻麻地，加上呢排已經成日唔喺香港，仲要冇埋馬來西亞方面嘅獎項喎，平常心意在參與啦。」談到有指明年無綫劇集生產量將會進一步下降，會否擔心工作益發減小，羅子溢笑說：「呢件事應該唔會發生喺張曦雯身上，我就機會大啲，佢（工作檔期）Full晒啦，哈哈！所以我要變得主動，爭取每一個機會推銷自己。」TVB
