【On.cc】蕭正楠連州騷搵張振朗唱 曹永廉變「求其拍檔」蕭正楠與曹永廉近日在連州舉行《最佳拍檔音樂會》，邀得視帝張振朗擔任嘉賓，3人合唱《笨小孩》後，振朗又獨唱《明年今日》，振朗透露雖然由香港乘5小時車到來當地，但也大感值得：「我好多謝兩位最佳拍檔，最佳拍檔通常都係兩個，但佢哋竟然畀我插喺佢哋中間，呢個係我嘅榮幸。」阿蕭反問對方是否知道為何有最佳拍檔音樂會？他解釋：「最佳我同你係最佳，阿廉就係求其一個拍檔。」張振朗又係視帝又唱得，掂。由香港乘5小時車嚟唱都值。蕭正楠（右）即刻笑曹永廉係「求其一個拍檔」。兩人透露邀請對方任嘉賓時，振朗一口答應，阿廉又稱振朗是他很佩服的一個演員：「我同佢開工，開到凌晨4點，佢都仲去健身房健身，跟住第二朝可能8點又開工，佢真係可以咁。」阿蕭雖然跟振朗未在劇集中合作，但兩人曾拍過綜藝《美女廚房2》，阿蕭說：「當年大家好大壓力，因為第一輯好受歡迎，珠玉在前，我哋可以點樣做得好啲呢，結果20集裏面，我哋好努力去做，可能有人提我哋呢個節目同提我哋兩個。」之後阿廉突然大讚振朗得到兩屆視帝，並笑言：「其實你應該留一個畀阿蕭。」阿蕭即時反擊：「點解你成日要講呢啲？」夾在中間的振朗調侃兩人：「咁你哋不如打交啦，唔好講咁多嘢，在場咁多人。」好朋友先講得笑。曹永廉對張振朗大嗌佩服。
