鄧兆尊昨日（23/11）出席黃澤鋒女兒「小貴妃」的百日宴。鄧兆尊接受訪問時，被問到對於剛舉行的TVB台慶的評價。鄧兆尊：「可以話係做咗要求嘅嘢。我問咗個導演，點解會出現啲咁嘅嘢，佢話係綵排問題。有時啲嘢教咗你，你應該返屋企練習，其實可能佢返屋企冇練習，呢樣嘢係自己問題。」他表示，台慶表演某些環節出現甩漏，可能是由於練習不足和公司問題。有些觀眾表示，藝員唱歌時有走音情況。鄧兆尊：「唔同以前，而家多咗好多音樂嘅嘢，變咗台慶都係一個音樂節目。因為音樂節目需要綵排。（有啲人走音）走音嘅嘢好難講，因為拍住一啲唱家班唱緊，突然間有啲業餘嘅嚟唱，就唔怪得佢哋。」對於「福祿壽」的表演，鄧兆尊指：「福祿壽不嬲都係咁上下㗎啦，都係自嘲，係咪先？」他也表示，以前為了一個台慶跳舞表演會綵排半個月：「而家我諗冇呢樣嘢，唔可以怪佢哋，係公司問題啫。」
