【On.cc】羅天宇爆同陳懿德打友誼波：都有同佢玩吓！藝人羅天宇今日（18日）出席慈善高爾夫球賽。受訪時他自爆今年瘋狂迷上了這種運動，有時甚至乎一星期打足三、四日：「喚起咗啲肌肉記憶，因為我細個嗰時都打過，已經有個底喺度。（點解當初停咗唔玩？）因為我啲皮膚敏感，好易曬傷。（依家又執番起支球棍？）因為細佬胡㻗依家係教練，佢打得咁好，冇理由我唔得嘅，練波我咪包到實冚囉。」問到有否與緋聞女友陳懿德打波，他笑答：「都有同佢玩吓，佢屋企人有打開嘅，不過佢似乎對啲快速嘅球類運動比較有興趣。」談到對方早前主持選秀節目《聲秀》引來負評不絕，他答說：「我有睇番螢光幕，真係技術上出錯，唔關佢事，只係當時啲字彈出嚟比較淺色，觀眾冇咁容易察覺。佢都好唔開心同責備自己，我就覺得佢已經好犀利，希望佢快啲重振信心。（嚟緊台慶佢都做主持喎。）佢OK嘅，做得呢行唔同嘅聲音總會有，佢亦睇晒之前所有嘅評語，都真係幾勇敢，正面面對所有嘅問題。（100分？）300呀！」羅天宇打Golf！仲要同陳懿德打！叻！
