【On.cc】譚凱琪演自閉角色出神入化 與張曦雯發展「非一般」姊妹情
無綫劇集《俠醫》昨晚（8日）播出一集焦點集中在「羅穎茵」（譚凱琪Zoie飾）及「羅穎琛」（張曦雯Kelly飾）兩姊妹身上，穎茵因患有自閉症，不少生活細節上都好執着，絕不讓步，因而鬧出不少麻煩及笑話，其中一幕穎茵強迫穎琛晨早煮早餐的場口，絕對笑料十足，穎茵規定「三勺半Cereal」，嫌穎琛多了半勺，批評穎琛烘的多士不夠脆，及要求穎琛重新做燶邊蛋，令穎琛幾陷崩潰，相當搞笑。
譚凱琪與張曦雯發展「非一般」姊妹情。
對於這段搞笑、苦惱但溫馨的姊妹情，不少網民讚張曦雯有喜感：「這就是姐妹兄妹之間的感情，可能偶爾會抱怨會不耐煩會吵架，可是還是會互相體諒、互相珍惜雙方的付出」、「真的被這劇的姊妹情吸引了。」至於Zoie的招牌童顏，及每次都必定帶來新鮮感的演出，亦獲得一定的認證：「有一剎那還以為你是妹妹，真可愛」、「希望譚凱琪，可以攞最佳女配角獎」、「有啲似《非常律師禹英禑》」、「演得好好，不同類型的角色都能駕馭！」、「演出了花家姐的感覺，有點佘詩曼的影子」、「好可愛的自閉姐姐」。
張曦雯演技精湛。
Zoie受訪時坦言舒了一口氣，透露事前做了不少功課，她說：「我有睇咗啲documentary，知道有好多唔同類型嘅自閉症，有啲靜啲、有啲好鍾意講嘢，同埋佢哋好鍾意一樣嘢、就會即刻去研究，咁我個角色就係對顏色好有執著，同埋要好有規律。譬如食嘢要有次序、要排到好整齊，我都盡量做多啲呢啲細節位，希望可以演番出個特性... 所以演嗰時有成日提住自己，一有呢啲嘅場口要盡量做多啲...」，另外她都有參考自閉症影集，及與自閉症協會等組織接觸，了解更多相關個案，「例如有啲患者佢哋可能會大叫或者揼地，我就盡量抽一啲唔好咁小朋友嘅嘢嚟演，因為都想演出嚟唔好同觀眾想像爭太遠，都難㗎，好似講嘢嘅節奏，佢哋一般都好平，但監製April會想我演得生動啲...即係有時我比較冇乜太多表情時，佢就要我生鬼番啲，所以都要一路演一路tune，tune番啱個角色定位同年紀。」
譚凱琪與張曦雯擦出火花。
談到劇中角色為張曦雯帶來不少麻煩，Zoie笑言靈感是來自囡囡，她說：「譬如食早餐，因為我個角色鍾意食卜卜脆嘅嘢，一食到覺得唔夠脆就會即刻揼落去Kelly個碗度，當佢個碗係垃圾桶咁，哈哈！我覺得呢個角色都有少少似我個女，又係唔好食嗰啲嘢，佢就擺落我個碗度囉！我就拎咗佢呢啲嘢放落套劇度。」她說全靠囡囡「訓練」，令她由不懂照顧別人，變成可以照顧別人生活細節的人，她說：「生活上可能大事方面，就係我老公照顧我...但係小事好似生活細節位、衣食住行呢啲，都係我理㗎！我本身唔係一個好識照顧人嘅人，不過有咗個女之後，我覺得自己細心咗，同埋會諗多幾步，都係一個好好嘅訓練嚟。」
張曦雯晒腿。
陳豪與譚凱琪擦出火花。
譚凱琪演出備受讚賞。
譚凱琪與張曦雯和陳豪大鬥演技。
