維拉總比數4-1淘汰森林，自從1982年之後第一次晉身歐洲賽決賽。佢哋今場嘅表現完全壓制森林，中路組織攻勢嘅能力同整體攻防嘅配合能力都更加優勝。
領隊艾馬利職業生涯第六次帶隊晉身歐洲賽決賽，全部都係歐霸賽事；麥真恩今場梅開二度，10場佢為維拉取得入波嘅歐洲賽，球隊都贏波，般恩迪亞喺第一球入波過程當中嘅盤扭同突破做得出色，有冇麥真恩在陣嘅維拉分別好大。艾馬利賽後話威廉王子有去到球隊嘅更衣室同佢哋一齊慶祝，鏡頭都捕捉到佢（威廉王子喺維拉入波之後慶祝嘅畫面）。
由於面部受傷缺陣而冇咗基比斯韋特嘅森林，中前場嘅串連係比較困難。
至於另一場準決賽，費雷堡首度殺入歐霸決賽，相當勵志！不過由於華歷簡奴歐協聯次回合都贏波，西甲鎖定歐洲系數第二位兼第五席歐聯席位。德甲仲有冇第五隊踢來季嘅歐聯？咁就要睇下費雷堡贏唔贏到歐霸冠軍嘞。
PS：辛祖都幾好決賽命，連續三屆（唔同賽事）代表唔同球會殺入歐洲賽事嘅決賽👍
歐羅巴聯賽準決賽次回合賽事賽果-費雷堡3-1（agg：4-3）布拉加阿士東維拉4-0（agg：4-1）諾定咸森林
UEFA Europa League阿士東維拉費雷堡伊斯坦布爾
