羅馬嘅21歲青訓產品彼斯利（Niccolò Pisilli）往後發展絕對值得關注，今仗嘅演出（1球1助攻）相當高光，賽後更獲選全場最佳。首都球會今仗好多球員狀態都唔錯，當中包括贊奴卡文仙尼、干尼、尼迪卡、靴姆素、韋斯利等，馬倫就係最活躍嘅一位，全場有4次埋門2次中目標，入球欠運但係就有1次靚助攻。
費倫天拿整體發揮唔多理想，下半場入替嘅青年軍射手巴斯基（Riccardo Braschi）反而係最有威脅嘅一位，可惜射門就避唔過條門柱。
邦拿素利（Federico Bonazzoli）入到今季嘅第8球，基蒙尼斯依然難求一勝，今季聯賽17個主場只能夠攞到13分（2勝7和）。
拉素喺半場換入路維拿（Nicolò Rovella）同路斯連（Tijjani Noslin）之後，即刻改變場上局面。荷蘭翼鋒貢獻1球1助攻，91分鐘嘅絕殺靚波更加有機會成為本週金球。
基蒙尼斯輸埋呢場，護級情況相當唔樂觀。
意甲第35週賽事賽果-比薩1-2 萊切烏甸尼斯2-0 拖連奴科莫0-0 拿坡里亞特蘭大0-0 熱拿亞博洛尼亞0-0 卡利亞里薩斯索羅2-0 AC米蘭祖雲達斯1-1 維羅納國際米蘭2-0 帕爾瑪基蒙尼斯1-2 拉素羅馬4-0 費倫天拿
Serie A羅馬🐺拉素🦅 🇮🇹
