蔡卓妍毫無預警宣布嫁健身教練林俊賢.Twins成員蔡卓妍（阿Sa）今日（28日）突然喺社交平台宣布結婚，對象係年輕10歲嘅健身教練林俊賢（Elvis）。阿Sa貼出甜蜜婚紗照，並發文：「恭喜我嫁你／恭喜你娶我／以後請多多指教 ／多謝大家嘅祝福」。消息一出即震撼全城，大批圈中好友同粉絲紛紛留言送上恭賀。
其實外界對「林俊賢」呢個名字並不陌生，不過唔少人第一時間聯想到嘅係80年代同名男藝人。但今次阿Sa嘅另一半，係一位專業星級健身教練。現年33歲嘅Elvis係香港理工大學運動科學學士，本身係中環高端健身工作室老闆，曾任香港游泳隊前體能顧問及關智斌等藝人嘅私人教練，單節私教課收費高達2000港元，月入穩定超過10萬港元。
阿Sa喺今年1月出席活動時，被問到與Elvis嘅關係，當時佢霸氣回應：「你們可以刪去緋聞兩個字」，正式認愛。3月時佢更直認兩人已經同居試婚，並已帶男友見家長，甜笑話「媽咪眼角高，佢OK就係OK」。今年3月阿Sa受訪時亦曾提及婚期，當時佢笑笑口話「搵日大家傾吓」，估唔到事隔不足兩個月就傳來好消息。
蔡卓妍结婚
