【On.cc】傅嘉莉首登大舞台緊張手震 自認想參加《浪姐》
藝人傅嘉莉、劉佩玥與羅天宇最近到加拿大登台，首次踏上大舞台唱歌的傅嘉莉，雖然緊張到手震，但歌聲卻令人眼前一亮，網民更力推她參加內地節目《乘風破浪的姐姐》。
傅嘉莉接受訪問透露是首次在上大舞台登台，心情緊張綵排及表出時全程手震：「開心出來的效果過得去，唔會被投訴耳朵轟炸。」她透露一直有跟老師學唱歌，小時對唱歌更有表演欲，會站在沙發上唱歌，中學時已經很喜歡聽歌。講到有網民提議她參加《中年好聲音》及《浪姐》嘉莉則說：「《中4》嘅時候公司有招慕，但我好I，又怕比賽，所以就拒絕咗，後來先知道可以蒙面，或者下年我再準備好啲，有多啲膽量嘅話可能參加《中》。《浪姐》我都想參加，見到陳凱琳演出，佢好犀利，有機會我都想試。」她感謝羅天宇及劉佩玥的幫助：「第一次戴ear mon，佢哋好有經驗教我點調校，仲好支持同鼓勵我，記得第一次綵排完，佢哋衝埋嚟同我講唱得好好，有咁真摯朋友好難得。」
傅嘉莉（左起）、劉佩玥與羅天宇最近到加拿大登台。
傅嘉莉首登大舞台。
緊張到手震！
大玩抽獎！
劉佩玥獻唱！
羅天宇大開金口！
嚟張自拍先。
同粉絲大合照。
齊齊晒V！
