【On.cc】古天樂眼疾未愈開新戲 郭羡妮獻計戴眼鏡：感覺好伯父！
《尋秦記》電影版一眾主演昨晚（7日）凌晨與粉絲一同收看劇集版《尋秦記》大結局，滕麗名笑言為此兩日內趁老公在外地滑雪，重看了前39集，提到她日前晒貓時意外曝光其複式豪宅，她謙稱：「鄉村地方啫（好豪華喎？）冇啲咁嘅事，鄉村地方啫。」提到無綫過往很流行陪觀眾收看大結局，古天樂與郭羨妮皆笑言流行時自己已離開無綫，問到時隔很久再看的感覺，古天樂就笑言：「我尋晚睇第39集都係感覺好耐，點解呂不韋未死，嗰個又未死，我有無睇錯呢？」郭羨妮則表示記得結局反而是首場拍攝的，笑指當時懷孕的劇情令她後來經常被追問嬰兒在哪，更搞笑即場逼問在旁的古天樂，令他表示：「有交代㗎，遲啲啦。」
問到古天樂今次應不是他最後一次出席謝票活動，他笑言：「都應該係啦，我由1月1號謝到依家喎，你係咪想我謝到過端午。（套戲未落嘛！）謝到過聖誕我話你叻，咁就真係勁。（有冇信心票房破億？）都睇觀眾支持囉，我哋都係做返我哋要做嘅工作。」提到《九龍城寨之終章》即將開拍，問到他需否訓練，他笑指自己本身就好打得，故不用訓練太長時間，問到對眼睛有否影響，在旁的郭羨妮卻搞笑幫答：「我覺得你會戴眼鏡，（你冇睇？）我有睇呀，有戴眼鏡，感覺好伯父吖嘛，好正。」引起全場爆笑。
提到古天樂日前推出新歌，兩女表示都有聽，郭羨妮更笑言：「點解係黑貓嘅，因為我冇跟開，但係我依家知道佢係黑貓，之前啲人成日用黑貓嚟代表佢，我係唔知點解嘅。（咁依家知未？）依家都唔知。」古天樂即幽默調侃她：「你去公園問吓啲伯父啦！」
問到有份入圍金像獎最佳女配角的滕麗名屆時會否帶同老公出席，她就表示不會，笑指考量到若果有幸得獎會不知道攬老公或是古天樂，最終決定攬古老闆所以不讓老公出現。此外，提及有指無綫有新制度，強制旗下藝人交出社交平台密碼由中央管理管理，滕麗名就表示：「其實就唔關我事嘅，我唔係經理人嘅合約。（覺得有冇影響？）唔關我事，冇諗有無影響喎。」
古仔話今次應該係最後一次為《尋秦記》電影版謝票。
滕麗名前兩日睇足《尋》電視版前39集。
郭羨妮狀態大勇。
齊齊接受訪問。
幾時再合作先？
古仔眼疾未愈。
大合照～
