【On.cc】張曦雯變身女財神 羅子溢平安是福
藝人張曦雯、羅子溢、賴慰玲及洪永城雖私交甚篤，但平日各有各忙難得聚首，故趁馬年新正頭約齊到訪新界農莊，行個大運兼拜年互相祝賀，開心又熱鬧。張曦雯笑言今年無上限派利是，最緊要皆大歡喜，而生肖屬鼠的羅子溢犯太歲，他期望會遇上正向變化。
女神張曦雯（Kelly）、羅子溢、賴慰玲及洪永城齊聲向大家拜年，祝願馬年事事順利兼荷包腫脹。回顧過去一年，眾人知足表示各方面發展也尚算滿意。4人中目前僅得Kelly未婚，她卻豪氣表示今年會無上限派利是！她開心表示：「因為過往幾年我都要開工，最多都係派畀工作人員，今年終於休息，但有新劇推出，所以宣傳活動會見到大家，到時可以盡情派利是畀大家嘞，哈哈！」
雖然回復單身，但Kelly不愁寂寞：「因為父母開始退休，可以留多啲時間喺香港陪我，佢哋亦都可以隨時興起就出發旅行，我同細佬會支持佢哋嘅旅費，都係福氣嚟嘅。」談到馬年展望，外國長大的她居然對風水命理有點認識：「我屬馬犯太歲，唔敢奢求太多嘞！」
張曦雯（左起）、洪永城、羅子溢及賴慰玲到訪新界農莊。
一齊同大家拜年！
張曦雯（左）攬住賴慰玲開心過年。
張曦雯雖然回復單身，但不愁寂寞。
張曦雯外出感受節日氣氛。
羅子溢相信平安是福，最緊要生活得開心。
羅子溢每年大年初一都會回祖家拜年。
羅子溢孭住洪永城，兩人儼如大細路。
充滿愛呀！
賴慰玲百厭唔識驚
而圍村出身的子溢則依照傳統習慣，每年大年初一都會回祖家拜年，以及參與傳統祭祀儀式，祈求全家平安。篤信「平安是福」的他坦言：「最緊要大家生活得開開心心，年年係咁我都好知足㗎嘞！」當洪永城插嘴提醒他去年入圍視帝5強，總算交出漂亮成績表，子溢認同說：「都係一件幸福事，所有嘢要慢慢累積。」當聞得Kelly自爆犯太歲，他即「安慰」對方：「你都唔算包尾，（運勢）排12嘅係屬鼠，即係我，不過我會覺得可能係好嘅變化呢，未必衰晒。」
至於賴慰玲則難忘去年農曆新年前，自己當上第二任媽咪：「所以新年前後我都坐緊月，BB滿月嗰日有朋友嚟拜年，夜晚又陪我出街食飯，嗰個感覺好似終於出山嘞！」與子溢一樣是圍村居民的她，農曆新年氣氛尤其熱鬧，賴慰玲透露：「我哋條村係舞麒麟嘅，不過我個大仔就加入咗醒獅隊好幾年嘞。我細個都幾百厭，試過返內地見到人燒炮仗，就用個罐笠住等佢爆到彈起，一啲都唔識驚！」
賴慰玲難忘去年農曆新年前，當上第二任媽咪。
洪永城四圍飛等運到
而洪永城回顧過去一年，雖然減少出埠拍旅遊節目，但卻重拾打網球的樂趣，是自己最大的得着：「我細個有『筲箕灣費達拿』稱號㗎，雖然同我個人一樣廢咗一段時間，但舊年就同郭晉安佢哋成立咗『中國香港藝人網球聯盟』，以波會友之餘目標係做善事，幫忙有需要嘅人。」他又預告下月會到訪歐洲及埃及：「主要係拍一個歷史旅遊節目，嚟緊應該仲會拍《空運世一》第二季。我係要走得多先有運行，去年留喺屋企太耐嘞。」談到農曆新年習俗，他即放閃謂：「一定要陪老婆返澳門同親戚拜年，例牌要入賭場放低少少。（有賭運？）我覺得自己冇囉，只可以踏實工作賺錢，不過我總算贏咗個老婆返嚟囉。」
洪永城表示重拾打網球的樂趣，是自己最大的得着。
羅子溢﹕
Hair: Jan ChiuCOLPO
Make up: Sharon Lee
張曦雯:
Make up:Janice Lam@ Glow Makeup Academy
Hair:Wiltam Outfit:Sportsmax
場地提供:信芯園農莊
TVB
