【On.cc】陳瀅撈多幾瓣 孖蔡潔闖歌壇
兩位花旦蔡潔和陳瀅新年期間分別回鄉探親及留港工作，蔡潔稱剛學會煎蘿蔔糕及年糕，有機會在父母面前大展身手，而陳瀅的新劇《臥底嬌娃》即將播出，可以陪伴觀眾過節。回顧蛇年成績，蔡潔挑戰新領域推出漫畫，又聯同15位藝術家開展覽，反之去年本命年犯太歲的陳瀅就阻滯多多，她無奈說：「工作上有幾個計劃本來傾得好好哋，但都無疾而終，所以好失望，而且又好多病痛。」
陳瀅直言新一年對各類工作都躍躍欲試：「今年我想試拍短劇、跳舞同唱歌，可能上綜藝，乜都想試。」蔡潔則抱着順其自然的心態，不抗拒任何機會，她揚言：「我可以同陳瀅一齊唱歌。」兩人更誠邀已退出歌壇的Bosco合作，陳瀅問他：「如果我哋開演唱會，你做嘉賓得唔得？」Bosco笑言：「我可以扮張櫈，但張櫈唔郁㗎喎！」3人立時勾手指尾作實，兩女更開心到擊掌。
Bosco孖蔡潔（左）、陳瀅同大家拜年。
Bosco約定會助陣兩女開騷，但就講明唔出Sing。
勾過手指尾，Bosco冇得唔認數啦！
Bosco有兩女餵食，令人羨慕！
搞笑互動！
Bosco好犀利呀！
Bosco同蔡潔默契十足！
陳瀅與蔡潔期待馬年多線出擊，愈撈愈掂。
蔡潔揚言同陳瀅一齊唱歌。
陳瀅同大家拜年！
恭喜發財！
蔡潔同大家拜年！
萬事如意！
