【On.cc】張曦雯化身性感兔女郎 魚網黑絲搶晒鏡
藝人張曦雯（Kelly）、陳瀅、羅毓儀（Yuki）主演的無綫動作喜劇《臥底嬌娃》將於23日首播，劇集未播出宣傳片已經先聲奪人，近日曝光的兩條宣傳片已獲過百萬點擊。Kelly在剛出街的宣傳片中大晒黃金比例身材，穿上魚網黑絲配以性感兔女郎造型示人，成功吸獲大批網民派心心，並指Kelly是繼近日熱爆的江美儀後，又一「黑絲Lady」經典代表，網民：「好靚女，火辣好身材」、「繼美儀姐後又一黑絲Lady」。
「黑絲」Kelly搶鏡外，Kelly與Yuki這對「最強身高反差CP」亦相當吸引，兩人劇中是表姐妹關係，如膠似漆，Yuki對住靚爆鏡表姐Kelly讚嘆外，更會纏住Kelly瘋狂撒嬌，加上二人身高形成極強反差，令網民留下印象，劇集未播出已經成功入屋：「表姐坐喺度都高過表妹（企喺度）」、「呢個CP夠噱頭。」
張曦雯化身兔女郎。
大晒黑絲。
同羅毓儀有最萌身高差。
張曦雯擁有黃金比例身材。
造型百變。
