《尋秦記》電影版落實今年12月31日壓軸上映，男主角古天樂昨日（22日）攜同林峯、宣萱、郭羨妮、滕麗名一眾劇集原班人馬，以及苗僑偉、徐浩昌（肥腸）及伍詠詩等新角色演員，一同出席宣傳啟動禮。原本氣氛熱鬧，怎料在接受訪問期間，古天樂因不滿TVB娛樂新聞記者的一個問題，而當場扯火寸爆對方。古天樂、林峯、苗僑偉三人一同接受訪問時，TVB娛樂新聞記者潘盈慧提到電影版籌備多年終於面世，問三位心情是否期待，三哥率先回應：「好期待呀，期待咗六年，拍都拍完咗六年，咁終於可以同觀眾見面，大家都好興奮！我相信觀眾亦都好期待」。隨後古天樂亦簡短回答：「我梗係期待啦下話。」當林峯正回答問題時，再旁的古天樂突然扯火，插嘴一句寸爆記者：「好奇怪喎呢個問題！點解會問返個演員期唔期待個部戲上映，要問，問觀眾！」潘盈慧試圖圓場表示：「我哋好期待呀！」，古天樂隨即語帶譏諷地回嗆：「咁咪係囉，你答咪得囉，咁得意嘅喂！唔明喎真係！」。潘盈慧隨後解釋是想了解演員的個人感受，古天樂收火回應：「哦～」，但長達40秒的僵局已令全場尷尬。
