卡拿比亞坦言，對離開AC米蘭嘅方式感到不是味兒卡拿比亞（Davide Calabria）現已轉戰希臘球會（ ）彭拿典奈高斯，但佢對於自己喺AC米蘭嘅離隊方式仍感到苦澀。「老實講，我唔想再同某d人打交道嘞。」現年29歲嘅卡拿比亞，自幼便身披Rossoneri 戰袍，從青訓體系一路晉升至一隊，甚至擔任隊長。然而，喺2025年1月與時任主教練干斯卡奧（Sergio Conceição）發生公開衝突後數日，就被外借至博洛尼亞，完成合約期最後六個月。「人生萬事皆有始有終，呢個遲早會發生，」卡拿比亞喺接受《Rivista Undici》訪問時表示。「我原本希望能夠遲一點先發生，但我對於自己多年來效力AC米蘭感到無比自豪。能夠從青訓出身、成為隊長兼贏得獎盃，呢個唔係每個人都能夠做到嘅。」「隊友換咗，教練、管理層、甚至球會老闆都換埋，但我一直都還喺度。我對此毫無遺憾，呢段經歷足夠令我驕傲。作為一名從小支持A米嘅細路，我從未想過有朝一日能成為隊長。」• 卡拿比亞與AC米蘭關係破裂嘅轉捩點無疑係與干斯卡奧嘅公開爭執，發生喺對帕爾馬3-2逆轉勝嘅賽後。兩人喺場上激烈爭吵，最終需由隊友拉開，果場比賽亦成為佢喺AC米蘭嘅最後一戰。「事情就係咁樣結束咗，果個賽季因為某d因素對所有人都好艱難，亦都令人受傷，」卡拿比亞解釋道。「我唸我係果場風波中損失最大嘅一個，或者係因為我太愛球隊，無法對某d事視而不見。果幾個月真係好難捱，直到情緒爆發，最終我哋決定分道揚鑣。」「情況變得難以處理，我哋必須做出改變。我從未唸過要離開AC米蘭。你哋都知道發生咗咩事，即使冇人會明講。」當時干斯卡奧經已係該季嘅第二任主教練，接手於2024年12月遭解職嘅馮錫卡（Paulo Fonseca），而 馮錫卡就係喺彼奧利（Stefano Pioli）離職後上任。「喺AC米蘭咁多年，最終竟然因一d不愉快嘅事件離開，呢個令我好難過，」卡拿比亞補充道。「果個時刻多少損害咗我嘅形象，儘管我並未有做錯d咩… 身為隊長，我太在乎球隊嘞，好多人會將情緒發洩喺我身上。透過對話與尊重可以改善關係，但果段時期咁嘅樣反而成為咗我嘅劣勢。」「無論如何，我寧願堅持自己嘅理念，都唔願意活喺其他人嘅想法裡面。我必須接受呢一切，老實講，我真係唔再與某d人打交道。當時我幾乎冇選擇，唔係被雪藏，就係離開。」• 告別AC米蘭嘅艱難時刻球隊幾乎冇俾卡拿比亞足夠時間好好道別呢個陪伴佢多年嘅屋企。「一切發生得太快，簡直難以為真。我離開Milanello，從此再冇機會踏入呢個地方。好難接受呢一切，尤其係唸到可能再亦都見唔到嘅果d人，工作人員同隊友都叫我唔好走。對我來講，AC米蘭球迷係世界上最好嘅。再亦無法身披我最愛嘅波衫，呢個令我感到心碎。」「當我得知必須離開時，我最後繞場一圈，喊得好犀利，大家都唔敢相信呢個係真嘅。我收拾好所有個人物品，離開咗呢個效力12年嘅地方。雖然痛苦，但我必須接受，先能夠繼續前行。」• 復仇與新篇章卡拿比亞最終喺該賽季隨博洛尼亞擊敗干斯卡奧執教嘅AC米蘭，奪得意大利盃，完成「王子復仇記」。合約結束後，佢以自由身加盟彭拿典奈高斯，但依然係 Rossoneri 嘅忠實支持者。「呢支AC米蘭有能力爭奪意甲冠軍，而家有艾歷尼（Max Allegri） 領軍，佢能夠建立團結嘅團隊，打造穩固嘅防線。艾歷尼係天生嘅贏家，有豐富經驗，而且每週只需踢一場比賽都有幫助。我真係希望能夠under佢，佢嘅溝通風格真係令我會開心到笑出來。」DavideCalabria SergioConceição Rossoneri Scudetto ForzaMilan🔴⚫️
