第200次荷蘭國家打比，絕對係本週荷甲嘅焦點！希丁加季初「落鍋」，取而代之嘅格廉帶隊成績逐步回勇，進入到十二月更加迎來咗各項賽事四連勝。相反輸波嘅飛燕諾近一個半月9場賽事已經輸到第6場，領隊雲佩斯都幾壓力山大。賽事本身，卡拉臣13分鐘喺禁區頂右側射入一記砲彈式入波取得領先，亦係佢今季聯賽嘅第3個入球。米卡葛斯下半場唔入，轉而求其次喺補時階段助攻番後備入替嘅莫基奧（Jorthy Mokio）將比數鎖定成2-0，而呢個亦都係呢位17歲嘅比利時年輕球員首個聯賽入波！飛燕諾絕非毫無機會，日本射手上田 綺世曾經獲得一次黃金機會，可惜過得到查路斯就過唔到條門線，皮球差半個波位擦柱而出。獲勝嘅阿積士賽後升到第三，落後飛燕諾5分，而榜首嘅PSV燕豪芬就進一步擴大領先優勢到9分。荷甲第16週賽事賽果-泰斯達2-2 NEC尼美根岡寧根3-0 禾倫丹PSV燕豪芬4-3 賀華高斯施禾尼1-0 幸運薛達鹿特丹斯巴達0-3 荷連芬川迪2-0 伊高斯阿積士2-0 飛燕諾NAC比達1-1 烏特勒支艾克馬亞🆚SBV精英（延期進行） 🇳🇱
