千葉市原重返J1聯費・1992年J.LEAGUE創立9間球會下季｜J1聯賽集結！

千葉市原重返J1聯費・1992年J.LEAGUE創立9間球會下季｜J1聯賽集結！！🟡🟢千葉市原尋日下午喺升班附加賽以1：0擊敗德島漩渦，時隔17年重返J1聯賽，亦是自2005年以來，時隔21年後J.LEAGUE 「Original 10」現存9間球會再次喺J1聯費集結。千葉今場冇因為和就搞掂而死守，大部分時間壓住德島嚟打，只係不斷隔靴搔癢，德島就偶有威脅到千葉嘅埋門。雙方膠着咗70分鐘之後，終於由卡連奴斯接應高橋 壹成助攻，為千葉打破缺口。德島無法反超之下，令千葉終成升班大業。通識小百科一下：「Original 10」指嘅係1992年J.LEAGUE創立時加入嘅10間球會。分別係鹿島鹿角、千葉市原（原：古河市原）、浦和紅鑽、東京綠茵（原：川崎讀賣）、橫濱水手、橫濱飛翼、清水心跳、名古屋八鯨、大阪飛腳和廣島三箭。其中，橫濱飛翼因經營困難於1998年底被橫濱水手吸收合併，於1999年成為歷史；另外川崎讀賣於2001年，將球隊主場改到東京，並改名為東京綠茵1969，喺2008年去除隊名中嘅1969，改成現時嘅東京綠茵。JLEAGUE