賽前接受採訪嘅史諾表示，自己並冇理由唔俾沙拿留低，似乎雙方不和嘅事件已經作結。而尋晚沙拿後備上陣交出助攻，伊𠎀廸基梅開二度，似乎都向住好嘅方向發展。今季第一次聯賽角球入波 ，干拿廸防守稱職，破壞力強，利物浦今場應該有唔少收穫。白禮頓比賽過程可以有好多變化同配搭，但時機同安排就要再斟酌下，三笘薰兩個半月以來首次聯賽上陣。自今年8月份以來，高爾彭馬（傷愈後）首次喺主場同球迷見面，即刻就有入波送俾大家。車路士半場兩次反擊都好堅決，亦都把握得好好，但係同作客嘅愛華頓一樣，防守問題需要重視。尤其係下半場中後段，無失分確實運氣幾好。愛華頓非要為自己防守問題埋單；基亞利殊同伊利文尼戴亞耶下半場有兩個極之黃金嘅機會，可惜都錯過咗，尤其係後者嘅埋門中柱彈出。接近個半月無贏過波嘅般尼，難逃聯賽7連敗嘅噩運。遭遇雖然兩連敗不過整體表現唔差嘅富咸，現場數據方面還係佔優。夏利韋遜攻入本季第5粒入波，差一粒就追和去季嘅入球數字，進步相當明顯。佢同卓古爾斯、史密夫路維組成嘅前場三叉戟唔算華麗但係都幾賞心悅目，係一道幾特別嘅風景線。最少，呢個姍姍來遲嘅烏龍波，就無俾機會曼城機會喺稍後時間若果能夠擊敗水晶宮就可以坐番榜首位置。阿仙奴全場撳住狼隊嚟攻，高達13次埋門只有2次中目標，無論死球同反擊都差之毫釐。狼隊兩個烏龍波都幾「黑仔」，耶遜莫斯基拿（Yerson Mosquera）嘅「回頭望月」更加最後一刻收死咗莊士東。狼隊眼白白睇住到手嘅一分同埋終止球會聯賽十連敗已近在咫尺但最後化為泡影，十分可惜。黃喜燦上半場嘅反擊就令兵工廠後防拉響警報；亞洛高達利（Tolu Arokodare）90分鐘嘅頭槌令拉耶望門興嘆。董事會承認夏季轉會窗嘅決策失誤，若未能成功護級嘅話呢個責任同損失都頗爲之大。英超第16週賽事賽果-車路士2-0 愛華頓利物浦2-0 白禮頓般尼2-3 富咸阿仙奴2-1 狼隊水晶宮🆚曼城（稍後時間進行）諾定咸森林🆚托定咸熱刺辛德蘭🆚紐卡素韋斯咸🆚阿士東維拉賓福特🆚列斯聯曼聯🆚般尼茅夫 🏴
