【明報即時】李成昌入行46年最驚拍吻戲 自爆曾與黃造時相戀3年 李成昌為女兒提供更佳教育環境，10年前送對方到英國升學。雖要支付高昂學費，他坦言從不覺肉赤，認為能給予女兒最好是父母的責任。（李成昌Ig圖片）現年68歲的綠葉王李成昌3年前宣布退休，近日於劇集《金式森林》再演奸舅父獲網民稱讚是教科書級演技。他近日接受商台《星光背後》節目訪問，憶述入行46年來演盡忠奸善惡、3次拒絕過檔的故事。李成昌讀書時已熱愛話劇，中五畢業後投考香港話劇團不果，兩年後再報讀藝員訓練班。他回憶1981年因劇集《烽火飛花》的抗日學生角色而獲曾勵珍青睞，加入處境劇《香港'81》飾演新移民任柏康（康仔）。他說︰「嗰時好開心，出街有人叫你『康仔』，爆騷最高一年有24個月糧，我嘅第一層樓、第一架車，都係因為康仔。」由《香港'81》演至《香港'86》，劇集結束後，李成昌陷入低潮逾一年。他說︰「好多擔心，先係收入無咁穩定；另外，我假假哋都做開主角，又唔識其他監製，出到去有冇監製用你？」李成昌表示《香港'86》後，沒名字的角色也需接。他感激監製潘嘉德首先起用他，讓他於1988年劇集《旭日背後》伙拍鄧萃雯首演奸角。「嗰陣有年幾，有啲驚被人淘汰。德哥問我介唔介意做重嘅奸角，有人搵我已經開心，仲介意？」他坦言演奸角沒難度，最怕拍攝接吻戲。李成昌說︰「強姦同接吻戲都好麻煩，咁耐都係拍過2、3次咀戲，真係好怕！怕女士話你抽水，真係唔知點演，做乜要咀呢？要有感情先咀嘛，又唔知對手開唔開心，靚仔Kiss就好啫，同李成昌喎，唉！」46年來，李成昌一直效力無綫（TVB）。他坦承麗的、亞視及王維基的HKTV都曾邀請過檔，惟始終沒答應。他解釋︰「麗的、亞視兩次都係人工低，我返去同公司講，公司都畀夠我，早知我講多啲啦。到第3次王維基，我係有啲嬲，佢搵人同我傾，應該搵齊我啲資料，佢竟然唔信我喺TVB嘅騷錢有咁多，咁我就唔再傾！」從影多年，李成昌認為最美的花旦是藍潔瑛及周海媚。他透露曾與藝訓班同學黃造時交往3年︰「佢好靚女﹗嗰時8點返學，5點放工，大家相處咗1年，訓練班就嚟完，大家都好Close，好多人都拍拖，阿湯（湯鎮業）同呢個，嗰個又同嗰個，當時又見到佢（黃造時）幾得意好可愛，又成日望住我，啱Feel就一齊。」至於出道後為何分手，他說：「其實真係唔夾。」李成昌1986年認識在銀行上班的太太，兩人1993年結婚，女兒於2001年出世。談及40多歲時才計劃生下一代，他說：「因為我經歷一次大病，驚走先過太太，希望有下一代陪老婆，好彩畀我哋生女，因為阿女好黐我。」為了女兒有更好的讀書環境，李成昌夫婦自女兒14歲起便送她到英國升學，至今10年，每年需付數十萬學費，但慈父從不覺肉赤。他表示︰「有積蓄、計到數就畀佢過去讀，佢仲有一年就碩士畢業。總之，開心！兩公婆都覺得，如果有能力畀到佢而唔畀，將來就會有遺憾，錢係帶唔走。」（即時娛樂）
