【On.cc】陳曉華唔怕畀人話似長頸鹿 最在乎話佢黐脷筋藝人陳曉華（Hera）近日接受電台訪問時口若懸河，但原來中、小學階段時她沉默寡言：「細個時過度活躍，好鍾意搶住講嘢，同學睇唔慣就Bully（欺負）我，變咗我唔敢講嘢，驚得罪人。小五至小六兩年冇講過嘢，變得怕事內向。」中大護理系畢業的她更表示參選港姐是想自己極速成長：「當時仲一心諗住落選就做護士，從來冇覺得自己靚，如果做到幾年演員就幾年，冇諗過會做到女主角。」當年卸任後即被力捧拍劇，起初演出劇集《迷網》及《異搜店》惹來負評：「畀人圍插，最在乎係話我黐脷筋，我唔怕畀人話我醜、話我長頸鹿，係驚黐脷筋成世都改唔到！拍《異搜店》就嘗試改，當時匿埋公司廁所同喺車上喊，何廣沛係陪我經歷呢個低潮。」被問到卸任港姐初入行的薪酬跟護士比較，Hera說：「唔識答！總之我曾經後悔入行，有認為自己任性嘅階段。我入行淨係想照顧到爸爸媽媽，但我一出嚟做嘢連家用都畀唔到，係咪一世都係咁呢？係有一段時間因為賺得唔多而後悔。（幾時先賺到錢養家？）上年，哈哈！」入行以來緋聞多多，「男主角」包括何廣沛、丁子朗、羅天宇、陳卓賢及朱敏瀚等，Hera坦言：「最近話我結婚又同居（跟朱敏瀚），係唔理得人點諗。」問「大纜都扯唔埋」的陳卓賢怎認識，Hera嶯：「係共同朋友介紹賣車，做緊啲手續啫，佢咁紅，傳嘅時候壓力好大，就匿埋冷處理。」談到「新歡」朱敏瀚，Hera打趣說：「總之大家覺得我哋CP好襯好靚搵我哋做嘢最好。（欣賞佢靚仔？）佢優點好多，好細心，心思亦好細密，佢會諗好多嘢，又未必會講出口，佢嘅世界好豐富，真係要了解吓。」Hera接受電台訪問。佢話唔怕被人話醜！演技有進步嘅！
