陳星妤今日（3/10）現身將軍澳出席無綫劇集《金式森林》宣傳活動。陳星妤接受《香港01》訪問時表示：「今次我嘅角色算係一個反派，可以話我係一個想做壞事，但又唔叻，可以話係蠢蠢地『可愛八婆仔』，當中少不免有鬧交場口。」
陳星妤又指今次的角色同以往所演的角色很不同：「以前演嗰啲比較正派啲，同純情啲。今次就破格啲，就會成日鬧人，希望大家睇完唔好嬲我。不過講真演呢個角色，有啲場口演完都幾攰，因為多數要同女人鬧交，而且係不分輩份去鬧人，咁所以演完都幾攰。」
提到劇集《金式森林》在內地已經播完，被問到會否擔心影響收視時，陳星妤表示：「其實又唔會擔心，因為睇到有啲留言話，一開始冇乜留意呢套劇，但當有一啲片段流出，反而係令到佢哋繼續追看，因為佢哋覺得套劇令到佢哋有深刻印象。」
