法证先锋6｜蔡洁坦承拍摄时情绪崩溃 收视高会派福利︰着比坚尼 TVB剧集《法证先锋VI幸存者的救赎》即将在下星期播出，而一班主要演员今（10日）就现身电视城作宣传，非常热闹。而在接受访问时，对於剧集已率先在内地播出，但口碑一般亦遭到吐槽，女主角蔡洁就表明第六季是比较着重延续性跟案件同理心较多。 《法6》率先在内地播出後，却遭到不少网民批评毁经典，因为查案、法医戏份比从前减少了许多，反而太集中在感情戏上，在少了高智商破案的情节上，所以令不少人对该剧失望。而对於网民的批评，蔡洁在受访时就表示：「其实因为今次系延续我哋《法证5》好多人设同角色，所以系会讲多啲关於我哋，特别系我哋三个主角嘅感情线同埋生活，点样延续落去呢？因为《法证6》都系讲紧幸存者，我哋三个都系案件中嘅幸存者，亦都因为系咁样可以对其他嘅案件同案件中嘅人物，有更加多嘅同理心，所以我哋想将呢样嘢做得更加深入啲，咁就会再多啲心理上面描述同埋将每一段感情讲得再细致啲。」而在旁的黄宗泽则表示：「好简单拍第七季咪得罗！睇完网民嘅评语，下次拍七嘅时候拍返多啲呢啲题材咪得罗！」 续提到在《法证6》中一共有七个单元故事，问到最推荐或难忘的单元是甚麽时，蔡洁就表示对剧中女性受害者的故事较为印象深刻：「我作为铁三角入面唯一嘅女士，见到女性受害者，虽然系化妆，但佢哋会露出一啲伤痕、疤痕，其实我喺现场见到，感受真系好真实，我自己系一个女仔见到呢啲事情，其实感受系好深，希望通过呢啲案件嘅呈现，话俾大家听要好好保护自己。（拍摄时会唔会好难走出嚟？）其实今次我嘅情绪系几唔好，（有冇崩溃？）有崩溃，我自己返去睇剧本有唔开心有喊。」强调剧中情绪会好复杂，至於黄宗泽就推荐精神病康复者单元。 作为第六季剧中有不少新演员的加入，就好像郭佩文，而她则是饰演黄宗泽法证部的下属，二人会比较多对手戏，问到与对方合作如何时，他就表示：「佢有少少社恐，我哋尽量拍嘅时候我哋成班人会多啲倾偈，等大家热身，等佢放松啲，等佢易啲去控制件事，佢都好勤力，大家都互相帮忙。（有冇教佢演戏？）教就唔敢讲，引导吓佢。」 虽然剧集在内地口碑一般，但他们仍对剧集非常有信心，蔡洁望大家要继续看下去，会有很多不一样事情发生。而提到假若香港收视高达30点以上会有甚麽惊喜送给观众，蔡洁就二话不说：「着比坚尼。」而黄宗泽更大胆地承诺：「唔着衫罗！我冲凉嘅时候。」认真搞笑。
