76岁石修分享冻龄秘诀 笑称凑孙运动量最大：叫声爷爷乜都得晒 石修今午（31日）出席「全城义剪中」宣传活动，身穿西装外套嘅石修，身形甚弗，完全唔似76岁。他接受访问时透露，刚由大马完成新剧宣传返港，剧中他与米雪饰演夫妻，问到有否交流冻龄心得，石修即谓：「佢好勤力，每日一早6点就去跑步，我咁懒当然唔敢谂，但都受佢影响，keep 得好系应该，因为工作唔定时，所以要有好状态。我习惯每日都一小时运动，除急步行外，都会做柔软运动，可以令筋骨松啲，减慢肌肉收缩。」 除咗急步行外，石修呢几年最大嘅运动一定系凑孙，提到岁半孙女Luna，石修即时笑得冧滋滋，「凑孙运动量好大，因为佢岁半，开始行嘅阶段，而家识得走，我有机会当值凑孙时要好小心，跟得佢好贴，佢嚟我屋企时，我嗰日付出嘅体能比平时运动仲要多。」虽然凑孙攰，但听到孙女一声「爷爷」，石修都话零抵抗，「佢一声爷爷我就咩都得，对太太一声嫲嫲就冧晒，都系几样嘢，爷爷、嫲嫲、mum mum。（有求必应？）我觉得唔好有太多限制俾佢，因为佢喺发展阶段，小朋友每一分一秒都系吸收紧。」 石修向来与儿子陈宇琛（Sam）亦父亦友，自从孙女嘅出现，令亲情更成熟。问到会否想再抱孙，石修笑言唔轮到佢讲，但如今已有了最好的礼物，一切皆可顺其自然。
