炎明熹爆未续约无线，传获内地公司天价斟过档：有不同发展是好事！ 炎明熹（Gigi）今日（18/7）现身机场出席活动，对於一直盛传她因不续约无綫而惨被雪藏，更有指内地公司以天价斟过档，导致至今跟无綫的续约问题仍未见解决。Gigi接受港媒访问时表示：「其实我冇唔开心，而且呢几日心情都稳定，反而我唔开心嘅地方就系唱歌，如果有啲位表现唔好我系会唔开心。（倾妥续约未？）合约呢方面就比较私人，明白会有唔同嘅结果，因为呢个世界都未到末日嗰一日，我都唔知道个结果会系点，不过而家大家仲倾紧。」 被问到是否有自己的想法和方向？Gigi表示：「其实方向自己系有好多个想法，例如音乐上点样行，又或者自己嘅风格，当中有好多唔同嘅因素，同埋有太多嘅事情，咁所以自己都会欣然咁去接受转变，例如一啲造型嘅转变，又或者唱歌上面嘅转变，发音上转变都有。（传有内地公司天价斟你过档？）竟然！我唔知道！（有冇人搵你倾过档？）如果大家有呢方面嘅消息可以话我知。（自己都想有啲新嘅发展？）当然有唔同嘅发展都系好事，但亦都有一啲坏事，我就未知最终会点发展。不过所有事情我都想去尝试，因为每一个人嘅潜能自己都可能未必知道，话唔定日後我去咗做空姐。」 提到TVB没有派人来采访，Gigi表示：「可能档期问题同地方太远，同埋佢哋有其他嘢做，变咗未必嚟到。（合约问题家人有冇畀意见？）因为我呢个年纪，我会尝试所有嘢都自己决定，唔想佢哋担心同烦到佢哋，咁所以自己解决到嘅就自己解决。（屋企人系知道？）佢哋系知道，但就唔知太多嘢。」#夏日生活打卡季#
